38 yoshli hujumchi Karim Benzema fransuz jurnalistining uni eng yaxshi forvardlar qatoridagi o‘rni haqida bildirgan fikriga munosabat bildirdi.

Jahon chempionati vaqtida l’Esports World Cup loyihasi doirasida tarixdagi eng yaxshi hujumchilarni aniqlash bo‘yicha so‘rov o‘tkazilgandi. Unda Benzema o‘zini bolalikdagi kumiri Ronaldodan keyin ikkinchi o‘ringa qo‘ydi.

Bu fikr L’Équipe telekanali efirida qizg‘in muhokamaga sabab bo‘ldi. Sport jurnalisti Yoann Riu 2022 yilgi «Oltin to‘p» sohibi «tarixdagi eng yaxshi 20 hujumchi» qatoriga kirmasligini va hatto top-30dan ham joy olmasligi mumkinligini aytdi.

Shundan so‘ng Benzema L’Équipe’ning Instagram sahifasida ushbu muhokama aks etgan video ostida izoh qoldirdi.

«Sen uchun allaqachon juda kech, bor uxla, ertaga erta turishing kerak!», — deb yozdi «Real»ning sobiq futbolchisi.

Bundan tashqari, fransuz futbolchisi #lequipedechèvre xeshtegini ham qo‘lladi. Bu L’Équipe nashri nomi bilan so‘z o‘yini bo‘lib, fransuz tilida taxminan «echkilar jamoasi» degan ma’noni anglatadi.

Benzema avgust oyi oxirida «Al-Hilol»ni tark etganidan so‘ng ayni paytda erkin agent maqomida.