"Реал Мадрид" ярим ҳимоячи Арда Гюлер билан шартномани деярли якунлади. Туркиялик футболчи яқинда Мадрид клуби билан 2031 йил ўрталарига қадар мўлжалланган янги шартнома имзолаши кутилмоқда.
AS нашрининг хабар беришича, "Реал Мадрид" раҳбарияти футболчининг келажагини таъминлаш ва унинг спорт лойиҳасидаги ролини таъкидлашни истайди. Кутилганидек, Гюлернинг маоши ошади.
Манбанинг хабар беришича, "Реал Мадрид" аллақачон Гбюлер билан шартномани узайтириш бўйича келишувга эришган.
Арда Гюлер 2023 йил ёзида "Реал Мадрид"га қўшилган. Ўшандан бери туркиялик футболчи 116 та ўйинда майдонга тушиб, 19 та гол урган ва 26 та голли узатмани амалга оширган.
