Мадриднинг «Реал» клуби бош мураббийи Жозе Моуриньо «Манчестер Сити»нинг молиявий қоидабузарликлар билан боғлиқ ишига киноя билан муносабат билдирди.

Аввалроқ Англия Премьер-лигасининг мустақил комиссияси «Манчестер Сити»ни молиявий қоидаларни кўплаб ҳолатларда бузганликда айбдор деб топгани хабар қилинган эди.

Манчестер клуби эса октябрь ойи бошида ушбу қарор юзасидан апелляция шикояти берди.

Моуриньюнинг фикрича, мазкур иш бўйича якуний қарор қабул қилиниши учун ҳали анча вақт талаб этилиши мумкин.

Португалиялик мутахассис Corriere dello Sport нашрига берган интервьюсида ушбу вазиятни ҳазил аралаш изоҳлади.

«Манчестер Сити» ишими? Мен бу масаланинг устидан бироз кулишни афзал кўраман.

Ўйлайманки, охир-оқибат қандайдир хулосага келинади. Бироқ мен аллақачон 60 ёшдан ошганман. Шунинг учун якуний ҳукмни кўришга умрим етиши учун омадим келиши керак.

Аввал қарор чиқади, кейин апелляция берилади... Бу ишлар тугагунича мен 80 ёшга кириб қоламан», — деди Моуринью.

Маълумот учун, Жозе Моуринью 2027 йилнинг 26 январида 64 ёшга тўлади.

У бошқараётган «Реал» Испания чемпионатидаги навбатдаги учрашувини 10 октябрь куни «Вильярреал»га қарши ўтказади.