АҚШ терма жамоаси бош мураббийи Маурисио Почеттино «Бавария» ҳужумчиси Харри Кейн «Олтин тўп»ни қўлга киритишга муносиб, деб ҳисоблайди.
«Менимча, у футболда қилган барча ишлари учун бу мукофотга лойиқ. Жаҳон чемпионати ёки Чемпионлар лигасидаги натижалари унга салбий таъсир қиладими-йўқми, билмайман. Ахир у ҳар икки мусобақада ҳам ярим финалгача етиб борди», — дея мутахассиснинг сўзларини London Now келтирди.
«Балким, бу унга таъсир қилар, билмайман. Аммо мен учун ҳозир Кейннинг вақти келди. Айни пайтда дунёда ким биринчи рақамли футболчи экани ва ким ғолиб бўлиши кераклиги аниқ эмас. Илгари бу масала анча равшан эди. Лекин мен битта футболчини танлашим керак бўлса, Кейнни танлайман».
Ўтган мавсумда Кейн 51 та ўйинда 61 та гол урди ва 7 та голли узатмани амалга оширди.
