AQSH terma jamoasi bosh murabbiyi Maurisio Pochettino «Bavariya» hujumchisi Xarri Keyn «Oltin to‘p»ni qo‘lga kiritishga munosib, deb hisoblaydi.

«Menimcha, u futbolda qilgan barcha ishlari uchun bu mukofotga loyiq. Jahon chempionati yoki Chempionlar ligasidagi natijalari unga salbiy ta’sir qiladimi-yo‘qmi, bilmayman. Axir u har ikki musobaqada ham yarim finalgacha yetib bordi», — deya mutaxassisning so‘zlarini London Now keltirdi.

«Balkim, bu unga ta’sir qilar, bilmayman. Ammo men uchun hozir Keynning vaqti keldi. Ayni paytda dunyoda kim birinchi raqamli futbolchi ekani va kim g‘olib bo‘lishi kerakligi aniq emas. Ilgari bu masala ancha ravshan edi. Lekin men bitta futbolchini tanlashim kerak bo‘lsa, Keynni tanlayman».

O‘tgan mavsumda Keyn 51 ta o‘yinda 61 ta gol urdi va 7 ta golli uzatmani amalga oshirdi.