Мадриднинг "Реал" клуби Испания чемпионатининг янги мавсуми стартига тайёргарлик кўрмоқда. Ла Лиганинг биринчи турида "қироллик клуби" сафарда "Эспаньол"га қарши майдонга тушади.
Ушбу баҳс Жозе Моуриньо учун "Реал"га иккинчи бор қайтганидан кейинги илк расмий учрашув бўлади.
Marca маълумотига кўра, португалиялик мутахассис биринчи тур баҳсида таянч ярим ҳимоя чизиғида Бернарду Силва ва Федерико Вальверде жуфтлигидан фойдаланишни режалаштирмоқда.
Катта эҳтимол билан, "Реал" 4-2-3-1 схемасида ҳаракат қилади. Бунда Бернарду Силва ва Вальверде таянч зонасида ўйнайди, улардан олдинроқ эса ҳужумкор ярим ҳимоячи жойлашади.
"Эспаньол" — "Реал" учрашуви 22 август, шанба куни бўлиб ўтади. Баҳс Тошкент вақти билан соат 00:30 да бошланиши режалаштирилган.
