«Реал» Испания чемпионатида «Райо Вальекано»ни 4:1 ҳисобида мағлуб этди. Мадридликлар ҳужумчиси Килиан Мбаппе ушбу дербида дубль қайд этди.

Шу тариқа, француз футболчисининг жорий Ла Лига мавсумидаги голлари сони 6 тага етди.

Ушбу учрашувга қадар тўпурарлар пойгасида «Барселона» футболчиси Рафинья 6 та гол билан етакчилик қилаётган эди. Энди бразилияликка бирданига икки футболчи — Килиан Мбаппе ва «Райо Вальекано» ҳужумчиси Серхио Камельо етиб олди.

Камельо ҳам «Реал»га қарши баҳсда жорий чемпионатдаги 6-голини урди.

Қайд этиш керак, Серхио Камельо бу мавсум нафақат «Реал», балки «Барселона» дарвозасини ҳам ишғол қилган. У август ойининг сўнгги куни «Камп Ноу»да дубль қайд этган, аммо «Райо Вальекано» ўша учрашувда 2:5 ҳисобида мағлуб бўлган.