«Real» Ispaniya chempionatida «Rayo Valyekano»ni 4:1 hisobida mag‘lub etdi. Madridliklar hujumchisi Kilian Mbappe ushbu derbida dubl qayd etdi.

Shu tariqa, fransuz futbolchisining joriy La Liga mavsumidagi gollari soni 6 taga yetdi.

Ushbu uchrashuvga qadar to‘purarlar poygasida «Barselona» futbolchisi Rafinya 6 ta gol bilan yetakchilik qilayotgan edi. Endi braziliyalikka birdaniga ikki futbolchi — Kilian Mbappe va «Rayo Valyekano» hujumchisi Serxio Kamelyo yetib oldi.

Kamelyo ham «Real»ga qarshi bahsda joriy chempionatdagi 6-golini urdi.

Qayd etish kerak, Serxio Kamelyo bu mavsum nafaqat «Real», balki «Barselona» darvozasini ham ishg‘ol qilgan. U avgust oyining so‘nggi kuni «Kamp Nou»da dubl qayd etgan, ammo «Rayo Valyekano» o‘sha uchrashuvda 2:5 hisobida mag‘lub bo‘lgan.