Мадриднинг «Реал» клуби ҳужумчиси Килиан Мбаппе Ла Лигада «Райо Вальекано»га қарши ўйинда ноёб натижа қайд этди.
Франциялик футболчи учрашувнинг 14-дақиқасида пенальтини аниқ амалга ошириб, ҳисобни очди. 17-дақиқада эса у Альваро Каррераснинг голига ассистентлик қилди.
Opta маълумотига кўра, Мбаппе 2016 йил январидан бери «Реал» сафида «Сантьяго Бернабеу»даги Ла Лига ўйинининг дастлабки 17 дақиқаси ичида ҳам гол уриб, ҳам голли узатма берган илк футболчи бўлди.
Бундан 10 йилдан ортиқ вақт аввал худди шундай натижани Хамес Родригес «Эспаньол»га қарши учрашувда қайд этган эди.
