«Реал» шанба куни Ла Лига доирасида ўз майдонида «Райо Вальекано»ни қабул қилмоқда.

Жозе Моуриньо жамоаси биринчи бўлимни жуда яхши ўтказиб, жавобсиз учта гол урди. Килиан Мбаппе пенальтидан ҳисобни очди, кейин Альваро Каррерас ва Жуд Беллингем ҳам рақиб дарвозасини ишғол қилди.

Бироқ танаффусдан кейин майдонга бутунлай бошқача «Реал» қайтди. 51-дақиқада «Райо Вальекано» ҳисобдаги фарқни қисқартирди ва шундан сўнг ҳам хавфли вазиятлар яратишда давом этди.

69-дақиқага келиб, иккинчи бўлимдаги зарбалар статистикаси «Райо» фойдасига 8:2 кўринишида эди. Дарвозага аниқ зарбалар бўйича ҳам меҳмонлар 2:0 ҳисобида устунлик қилди.

Танаффусдан сўнг «Райо Вальекано» тўпни қарийб 60 фоиз вақт назорат қилди ва «Реал»дан кўра кўпроқ ҳужум қилди.

Мадридликларнинг иккинчи бўлимдаги ўйини мухлисларга ёқмади. Натижада «Сантьяго Бернабеу» трибуналаридан Жозе Моуриньо жамоасига нисбатан ҳуштаклар эшитила бошлади.

«Реал» мухлислари жамоасидан бундай ўйинни қабул қилмаслигини очиқ кўрсатди.