«Real» shanba kuni La Liga doirasida o‘z maydonida «Rayo Valyekano»ni qabul qilmoqda.
Joze Mourinyo jamoasi birinchi bo‘limni juda yaxshi o‘tkazib, javobsiz uchta gol urdi. Kilian Mbappe penaltidan hisobni ochdi, keyin Alvaro Karreras va Jud Bellingem ham raqib darvozasini ishg‘ol qildi.
Biroq tanaffusdan keyin maydonga butunlay boshqacha «Real» qaytdi. 51-daqiqada «Rayo Valyekano» hisobdagi farqni qisqartirdi va shundan so‘ng ham xavfli vaziyatlar yaratishda davom etdi.
69-daqiqaga kelib, ikkinchi bo‘limdagi zarbalar statistikasi «Rayo» foydasiga 8:2 ko‘rinishida edi. Darvozaga aniq zarbalar bo‘yicha ham mehmonlar 2:0 hisobida ustunlik qildi.
Tanaffusdan so‘ng «Rayo Valyekano» to‘pni qariyb 60 foiz vaqt nazorat qildi va «Real»dan ko‘ra ko‘proq hujum qildi.
Madridliklarning ikkinchi bo‘limdagi o‘yini muxlislarga yoqmadi. Natijada «Santyago Bernabeu» tribunalaridan Joze Mourinyo jamoasiga nisbatan hushtaklar eshitila boshladi.
«Real» muxlislari jamoasidan bunday o‘yinni qabul qilmasligini ochiq ko‘rsatdi.
