Испания Ла Лигаси 5-туридан ўрин олган «Реал» — «Райо Вальекано» учрашуви якунланди. «Сантьяго Бернабеу» стадионида кечган баҳсда мадридликлар 4:1 ҳисобида ғалаба қозонди.

Учрашувни Виктор Гарсия Вердура бошқарди.

14-дақиқада Килиан Мбаппе пенальтини аниқ амалга ошириб, ҳисобни очди. Орадан уч дақиқа ўтиб, Альваро Каррерас мезбонларнинг устунлигини икки тўпга етказди.

35-дақиқада Жуд Беллингем «Реал»нинг учинчи голини урди.

Иккинчи бўлим бошида «Райо Вальекано» ҳисобдаги фарқни қисқартиришга муваффақ бўлди. 51-дақиқада Серхио Камельо рақиб дарвозасини ишғол қилди.

90+1-дақиқада эса Мбаппе яна бир бор гол уриб, дубль қайд этди ва якуний ҳисобни ўрнатди — 4:1.

Ушбу ғалабадан сўнг «Реал» Ла Лигадаги 5 та ўйинда 12 очко тўплаб, турнир жадвалида 2-ўринни эгаллаб турибди.

«Райо Вальекано» эса 4 очко билан 15-поғонада бормоқда.

Кейинги турда «Реал» 15 сентябрь куни сафарда «Эльче»га қарши майдонга тушади. «Райо Вальекано» эса шу куни ўз майдонида «Эспаньол»ни қабул қилади.