Ispaniya La Ligasi 5-turidan o‘rin olgan «Real» — «Rayo Valyekano» uchrashuvi yakunlandi. «Santyago Bernabeu» stadionida kechgan bahsda madridliklar 4:1 hisobida g‘alaba qozondi.

Uchrashuvni Viktor Garsiya Verdura boshqardi.

14-daqiqada Kilian Mbappe penaltini aniq amalga oshirib, hisobni ochdi. Oradan uch daqiqa o‘tib, Alvaro Karreras mezbonlarning ustunligini ikki to‘pga yetkazdi.

35-daqiqada Jud Bellingem «Real»ning uchinchi golini urdi.

Ikkinchi bo‘lim boshida «Rayo Valyekano» hisobdagi farqni qisqartirishga muvaffaq bo‘ldi. 51-daqiqada Serxio Kamelyo raqib darvozasini ishg‘ol qildi.

90+1-daqiqada esa Mbappe yana bir bor gol urib, dubl qayd etdi va yakuniy hisobni o‘rnatdi — 4:1.

Ushbu g‘alabadan so‘ng «Real» La Ligadagi 5 ta o‘yinda 12 ochko to‘plab, turnir jadvalida 2-o‘rinni egallab turibdi.

«Rayo Valyekano» esa 4 ochko bilan 15-pog‘onada bormoqda.

Keyingi turda «Real» 15 sentyabr kuni safarda «Elche»ga qarshi maydonga tushadi. «Rayo Valyekano» esa shu kuni o‘z maydonida «Espanyol»ni qabul qiladi.