«Барселона» ярим ҳимоячиси Томми Маркес «Брага»га ўтишга жуда яқин. Инсайдер Фабрицио Романонинг маълум қилишича, Португалия клуби 19 ёшли футболчининг трансфери бўйича каталонияликлар билан келишувга эришган.
«Барселона» ўз академияси тарбияланувчисининг сотувидан 10 миллион евро ва яна 2 миллион евро бонус кўринишида ишлаб олади. Ёш испаниялик футболчига Германия Бундеслигасининг икки клуби ҳам қизиқиш билдирган эди, бироқ у «Брага» вариантини маъқул кўрди.
Томми Маркес «Барселона»нинг асосий таркибида шу йилнинг февраль ойида, Ла Лига доирасидаги «Мальорка»га қарши ўйинда дебют қилган эди. Transfermarkt портали томонидан 3 миллион еврога баҳоланаётган ярим ҳимоячи умумий ҳисобда каталонияликларнинг асосий жамоасида 2 та учрашувда майдонга тушган.
