Лондоннинг «Арсенал» клуби ҳужумчиси Виктор Дьёкереш «Барселона»нинг эътибор марказига тушди.
Журналист Хосе Альвареснинг хабар беришича, «кўк-анорранглилар» 28 ёшли швециялик футболчини «ПСЖ»га ўтиб кетган Ферран Торреснинг ўрнини босадиган муқобил вариантлардан бири сифатида кўриб чиқишмоқда. Каталония клуби ушбу трансфер ойнасида «канонирлар» форвардини сотиб олиш имкониятларини ўрганмоқда.
Transfermarkt портали Виктор Дьёкерешнинг бозор қийматини 65 миллион еврога баҳоламоқда. Ўтган йилнинг ёзида Лондон гранди ҳужумчини Лиссабоннинг «Спортинг» клубидан деярли 67 миллион евро эвазига сотиб олган эди.
Эслатиб ўтамиз, «Барселона» Ферран Торреснинг сотувидан тахминан 50 миллион евро ишлаб олди.
