Londonning «Arsenal» klubi hujumchisi Viktor Dyokeresh «Barselona»ning e’tibor markaziga tushdi.

Jurnalist Xose Alvaresning xabar berishicha, «ko‘k-anorranglilar» 28 yoshli shvesiyalik futbolchini «PSJ»ga o‘tib ketgan Ferran Torresning o‘rnini bosadigan muqobil variantlardan biri sifatida ko‘rib chiqishmoqda. Kataloniya klubi ushbu transfer oynasida «kanonirlar» forvardini sotib olish imkoniyatlarini o‘rganmoqda.

Transfermarkt portali Viktor Dyokereshning bozor qiymatini 65 million yevroga baholamoqda. O‘tgan yilning yozida London grandi hujumchini Lissabonning «Sporting» klubidan deyarli 67 million yevro evaziga sotib olgan edi.

Eslatib o‘tamiz, «Barselona» Ferran Torresning sotuvidan taxminan 50 million yevro ishlab oldi.