«Manchester Siti» bosh murabbiyi Enso Mareska markaziy himoya chizig‘ini jamoaning muammoli pozisiyalaridan biri deb hisoblamoqda.
Manbaga ko‘ra, Ruben Diash hozircha o‘zining eng yaxshi darajasini namoyish eta olmayapti, Abduqodir Husanov, Mark Gexi va Vitor Reys esa Mareskani to‘liq ishontira olmagan.
Shu sababli murabbiy klub rahbariyatidan yangi markaziy himoyachi xarid qilishni so‘ragan va «Barselona» futbolchisi Pau Kubarsi nomzodini tavsiya qilgan.
El Nacional nashri The Independent ma’lumotiga tayanib xabar berishicha, «Manchester Siti» 19 yoshli ispaniyalik futbolchi uchun juda katta taklif tayyorlashi mumkin.
Biroq «Barselona» Kubarsini sotish niyatida emas va himoyachi bo‘yicha hech qanday transfer taklifini ko‘rib chiqmoqchi emas. Uni kataloniyaliklar safidan olib ketishning amaldagi yagona yo‘li shartnomada belgilangan tovon pulini to‘lash bo‘lishi mumkin.
Transfermarkt portali Pau Kubarsining bozor qiymatini 100 million yevroga baholamoqda.
