«Манчестер Сити» бош мураббийи Энцо Мареска марказий ҳимоя чизиғини жамоанинг муаммоли позицияларидан бири деб ҳисобламоқда.
Манбага кўра, Рубен Диаш ҳозирча ўзининг энг яхши даражасини намойиш эта олмаяпти, Абдуқодир Ҳусанов, Марк Гехи ва Витор Рейс эса Марескани тўлиқ ишонтира олмаган.
Шу сабабли мураббий клуб раҳбариятидан янги марказий ҳимоячи харид қилишни сўраган ва «Барселона» футболчиси Пау Кубарси номзодини тавсия қилган.
El Nacional нашри The Independent маълумотига таяниб хабар беришича, «Манчестер Сити» 19 ёшли испаниялик футболчи учун жуда катта таклиф тайёрлаши мумкин.
Бироқ «Барселона» Кубарсини сотиш ниятида эмас ва ҳимоячи бўйича ҳеч қандай трансфер таклифини кўриб чиқмоқчи эмас. Уни каталонияликлар сафидан олиб кетишнинг амалдаги ягона йўли шартномада белгиланган товон пулини тўлаш бўлиши мумкин.
Transfermarkt портали Пау Кубарсининг бозор қийматини 100 миллион еврога баҳоламоқда.
