Portugaliya terma jamoasi Krishtianu Ronaldu xalqaro faoliyatini davom ettirishini ma’lum qildi. 41 yoshli hujumchi milliy jamoaning kuzgi ilk yig‘ini uchun qaydnomaga kiritildi.

Ronalduning termada o‘ynashni davom ettirish qarori muxlislar orasida turli fikrlarga sabab bo‘ldi. Reddit tarmog‘ida ayrim foydalanuvchilar Krishtianu hali ham milliy jamoaga yetarlicha foyda keltira oladimi, degan savolni o‘rtaga tashlamoqda.

«Ronaldu qachon to‘xtash kerakligini bilmaydi shekilli», — deb yozdi muxlislardan biri.

«Umid qilamanki, bu Krishtianuning so‘nggi o‘yinlari bo‘ladi», — deya fikr bildirdi yana bir foydalanuvchi.

Boshqa bir muxlis esa: «Murabbiy o‘zgardi, ammo vaziyat o‘zgarmadi», — deb yozdi.

Portugaliyalik yana bir muxlis Ronalduning chaqiruvini uning faoliyatida 1000 ta gol marrasiga yetish istagi bilan bog‘ladi.

2026 yilgi jahon chempionatidan keyin Krishtianu Ronaldu terma jamoadagi faoliyatini davom ettirish-ettirmasligini hali aniq bilmasligini aytgan edi.

Mundialdan keyin Portugaliya terma jamoasi bosh murabbiyi lavozimini Jorje Jezush egalladi.