«Реал» ёзги трансферлар ойнаси ёпилгунига қадар яна бир ярим ҳимоячини ўз сафига қўшиб олиши мумкин. Бу ҳақда El Chiringuito дастури бошловчиси Хосеп Педрероль маълум қилди.
«Моуриньо клуб раҳбариятига трансфер бозорига чиқишни таклиф қилди. Шу сабабли “Мадрид” яна бир трансферни амалга ошириши мумкин», — деди Педрероль.
Ҳозирча эҳтимолий харид учун аниқ ном маълум қилинмаган. Шунингдек, бирор футболчи ёки клуб билан расмий музокаралар бошлангани ҳақида ҳам маълумот йўқ. Гап ҳозирча Моуриньюнинг таркибни янада кучайтириш истаги ҳақида кетмоқда.
«Реал» шу ёзнинг ўзида Ян Диоманде, Марк Кукурелья, Карлос Эспи ва Дензел Дюмфрис трансферларига тахминан 225 млн евро сарфлади. Бернарду Силва ва Ибраима Конате эса эркин агент сифатида жамоага қўшилди.
Шунга қарамай, португалиялик мураббий марказий чизиқда яна бир универсал футболчи бўлишини истаяпти. Янги харид амалга ошишига амалдаги таркибдаги айрим футболчиларнинг кетиши ҳам таъсир қилиши мумкин. Моуринью мавсумни нисбатан ихчам таркиб билан ўтказишни режалаштирмоқда.
