Dortmundning «Borussiya» klubi futbolchisi Jud Bellingem shu yilning yozgi transfer oynasida jamoasini o‘zgartirishi mumkin. Bu haqda Britaniya matbuoti yozmoqda.

Qayd etilishicha, Angliya terma jamoasi bosh murabbiyi Garet Sautgeyt «Liverpul»ga Bellingemni sotib olishni tavsiya qilmoqda, chunki futbolchi mersisaydliklar taktikasiga optimal tarzda mos keladi.

Bundan tashqari, yozda jamoani keng ko‘lamli qayta qurishni boshlamoqchi bo‘layotgan «Manchester Yunayted» ham futbolchiga qiziqish bildirmoqda. "Mankunianliklar" umidli futbolchini qo‘lga kiritish uchun katta pul sarflashga tayyor bo‘lsa kerak. Xabarlarga ko‘ra, «PSJ» ham Kilian Mbappe o‘rniga turli variantlarni izlamoqchi.

Djud Bellingem 2020 yilning iyul oyida "Birmingem"dan Dortmundning «Borussiya»siga ko‘chib o‘tgandi. Ushbu transfer dortmundliklarga 25 million yevroga tushgandi.

Bellingem joriy mavsumda Bundesligada 25 ta o‘yinda maydonga tushib, 3 ta gol va 7 ta golli uzatmaga mualliflik qildi. Futbolchining nemis klubi bilan shartnomasi 2025 yilning 30 iyuniga qadar amal qiladi.

Manba shuningdek, dortmundliklar o‘z futbolchisi bilan kamida 100 million funt sterling evaziga xayrlashishga tayyorligini aytdi.