«Barselona» «Chelsi» markaziy himoyachisi Antonio Ryudigerga qiziqish bildirmoqda.
Sky Sports Germany xabariga ko‘ra, kataloniyaliklar sport direktori Mateu Alemani futbolchining agenti bilan yashirin muzokaralar olib borgan. Tomonlar uchrashuvi Kataloniya poytaxtidagi mehmonxonalardan birida bo‘lib o‘tgan va uch soat davom etgan.
Oldinroq nemis futbolchisi «Yuventus» bilan 4 yillik shartnoma borasida kelishib olgani haqida xabar berilgandi.
Ryudiger 2017 yildan beri «Chelsi»da o‘ynamoqda. Joriy mavsumda u londonliklar safida 42 ta o‘yinda maydonga tushib, 3 ta gol va 4 ta golli uzatmani amalga oshirdi. 29 yoshli futbolchining shartnomasi shu yozda yakuniga yetadi.
