«Барселона» «Челси» марказий ҳимоячиси Антонио Рюдигерга қизиқиш билдирмоқда.

Sky Sports Germany хабарига кўра, каталонияликлар спорт директори Матеу Алемани футболчининг агенти билан яширин музокаралар олиб борган. Томонлар учрашуви Каталония пойтахтидаги меҳмонхоналардан бирида бўлиб ўтган ва уч соат давом этган.

Олдинроқ немис футболчиси «Ювентус» билан 4 йиллик шартнома борасида келишиб олгани ҳақида хабар берилганди.

Рюдигер 2017 йилдан бери «Челси»да ўйнамоқда. Жорий мавсумда у лондонликлар сафида 42 та ўйинда майдонга тушиб, 3 та гол ва 4 та голли узатмани амалга оширди. 29 ёшли футболчининг шартномаси шу ёзда якунига етади.