"Bavariya" yarim himoyachisi Korentin Tolisso jarohat sabab 3-4 haftani o‘tkazib yuboradi, deb xabar beradi Bild.

OAV xabariga ko‘ra, 27 yoshli fransiyalik futbolchi "Bavariya"ning 4 aprel kuni bo‘lib o‘tgan mashg‘ulotida ishtirok etmagan.

Avvalroq, klub rahbariyati futbolchining yangi shartnoma bo‘yicha moliyaviy talablarini qondirishga tayyor emasligi va yozda futbolchi bilan xayrlashishga tayyorligi haqida ma’lumotlar paydo bo‘lgandi.

Tolisso joriy mavsumda “Bavariya” safida barcha turnirlar doirasida 21 ta o‘yinda maydonga tushib, 3 ta gol urdi va 3 ta golli uzatmani amalga oshirdi.