"Barselona"ning «Levante»ga qarshi o‘yinida Usmon Dembele Obameyangga golli uzatma berdi va aynan uning assistentligidan keyin Obameyang o‘yinda hisobni tenglashtirdi.

Bu Dembele uchun joriy mavsumdagi 11-golli uzatma bo‘ldi va bu ko‘rsatkich bo‘yicha Karim Benzemaga yetib oldi.

Benzema joriy mavsumda 27 ta o‘yin o‘tkazgan bo‘lsa, Dembele 14 ta uchrashuvda maydonga tushdi, ya’ni deyarli ikki barobar kam o‘yin o‘tkazdi, deb yozmoqda El Mundo Deportivo nashri.

Xavi Ernandes jamoani qabul qilib olganidan keyin Dembele muntazam ravishda asosiy tarkibda maydonga tusha boshladi.