«Arsenal»ning sobiq futbolchisi Pol Merson APLda chempionlik poygasida endi intriga yo‘qligini aytdi.

Mersonning ta’kidlashicha, mavsum yakuniga qadar hali ko‘plab o‘yinlar qolgan, ammo «Manchester Siti» liga chempionligini qo‘ldan boy bersa, o‘ta hayratlanarli bo‘ladi. Pol «Liverpul»ni oldinda juda ko‘p qiyin o‘yinlar borligini, shuning uchun Klopp shogirdlari albatta ochko yo‘qotishini ta’kidladi. Sobiq futbolchining qo‘shimcha qilishicha, chempionlik uchun kurashda hech qanday intriga yo‘q, chunki «Siti» osonlik bilan chempionlikni qo‘lga kiritadi.

Eslatib o‘tamiz, ayni damda «shaharliklar» turnir jadvalida peshqadamlik qilmoqda va «Liverpul»dan atigi bir ochkoga oldinda bormoqda.