Sport arbitraj sudi (CAS) «Atletiko» jamoasining «Manchester Siti»ga qarshi Chempionlar ligasi 1/4 final javob o‘yini uchun uy stadioni tribunalarini qisman yopish haqidagi qarorini vaqtinchalik bekor qildi. Bu haqda «Atletiko» matbuot xizmati xabar berdi.
5 aprel kuni «Manchester Siti» Yevropa Chempionlar Ligasi chorak finalining birinchi o‘yinida o‘z maydonida «Atletiko»ni qabul qilib, 1:0 hisobida g‘alaba qozondi. 8 aprel kuni Yevropa futbol assosiasiyalari ittifoqi (UYEFA) Madrid klubi muxlislarining kamsituvchi xatti-harakatlari fakti bo‘yicha intizomiy ish ochdi. 11 aprel kuni UYEFA tartib-intizom qo‘mitasi «Atletiko»ga javob uchrashuvi uchun kamida 5000 tomoshabinga mo‘ljallangan tribunaning bir qismini yopishni buyurdi.
«CAS iltimosimizga javob qaytardi va stadion tribunalarining qisman yopilishini vaqtincha to‘xtatdi. Abonementi yoki bugungi o‘yinga chiptasi bor barcha muxlislar stadionga kirishlari mumkin bo‘ladi», — deyiladi matbuot xizmati xabarida.
