Yarim himoyachi Nemanya Matich yozda “Manchester Yunayted”ni tark etishga qaror qildi.

“Bu mavsum yakunida “Manchester Yunayted”ni tark etishga qaror qildim. Bu haqida rahbariyat, murabbiy va jamoadoshlarimga xabar berganman.

Bu buyuk klubda o‘ynash katta sharaf. Muxlislarga qo‘llab-quvvatlaganliklari uchun katta rahmat”, — deb yozdi serb o‘z ijtimoiy tarmog‘ida.

33 yoshli serbning “qizil iblislar” bilan amaldagi shartnomasi 2023 yilgacha mo‘ljallangan.

Joriy mavsumda himoyachi “Yunayted” safida barcha musobaqalarda 26 ta o‘yin o‘tkazib, 2 ta golli uzatmani amalga oshirdi.