Xabaringiz bor, «Manchester Yunayted» «Liverpul»dan 4 ta javobsiz gol o‘tkazib yuborib, yirik hisobda mag‘lubiyatga uchradi.

«Qizil iblislar» muxlislari bunga «Manchester Yunayted» sardori va futbol tarixidagi eng qimmat himoyachilardan biri Xarri Maguayr aybdor deb hisoblashadi.

O‘yindan so‘ng muxlislarning fikrlari o‘ta keskin tus oldi. «Uning maydondagi pozisiyasi qani?», «Nega u maydon markazida qoladi?», «Maguayr g‘alati ishlar qiladi», «Bu Premyer-liga darajasimi» kabi kommentlar ko‘payib ketdi.

Umuman olganda, «Manchester Yunayted» muxlislari bir ovozdan jamoaning «Liverpul»ga qarshi o‘yindagi muvaffaqiyatsizligi aybdorini ko‘rsatishdi.