Qatarning "As-Sadd" klubi bosh murabbiyi Xavi Grasiya Osiyo chempionlar ligasi guruh bosqichi 5-turidan o‘rin olgan "Nasaf"ga qarshi o‘yin oldidan o‘z fikrlari bilan o‘rtoqlashdi.

"Shubhasiz, bu o‘yin kuchli raqibga qarshi qiyin o‘yin bo‘ladi. Birinchi turda "Nasaf"ga qarshi bahsda ikki o‘yinchimiz maydondan chetlatilgani bois qiyin ahvolga tushib qolgandik.

"Al-Vihdat"ga qarshi avvalgi turda eng yomon o‘yinimizni namoyish etdik va yutqazdik. Endi esa yo‘qotilgan ochkolar o‘rnini to‘ldirishimiz kerak.

Futbolchilar "Nasaf"ga qarshi bahsda yaxshi o‘yin namoyish etishga intilishadi. Boz ustiga, so‘nggi 2 turda har bir jamoaga ochko suv va havodek zarur. Shuning uchun har bir klub borini berib harakat qiladi.

"Nasaf"ga qarshi o‘yinda bor imkoniyatimizni ishga solishimiz kerak. Agar g‘alaba qozonmasak, keyingi bosqichga chiqish imkoniyatini qo‘ldan chiqaramiz. Pley-offga chiqish imkoniyatimizni oshirish uchun esa 3 ochkoni qo‘lga kiritishimiz shart", — dedi Xavi Grasiya.