«Manchester Siti» hujumchi Gabriel Jezusni saqlab qolishi va uning o‘rniga Riyod Maxrezni sotishi mumkin.
Har ikki futbolchining shartnomasi kelasi yozda tugaydi va ularni tekinga qo‘ldan chiqarmaslik uchun “Manchester Siti” yozgi transfer oynasida futbolchilardan birini sotishi mumkin.
Oldinroq klubni tark etishga asosiy davogar Jezus ekani xabar qilingandi. Biroq so‘nggi ma’lumotlarga ko‘ra, uning o‘rniga Maxrez klubni tark etishi mumkin, bu esa bir qancha nomdor jamoalarning qiziqishini uyg‘otmoqda.
Qayd etilishicha, futbolchining transferi jamoaga hujumchi Erling Xolandning kelishi bilan bog‘liq bo‘lishi mumkin.
Maxrez joriy mavsumda APLda 25 ta o‘yinda maydonga tushib, 11 ta gol urdi va 5 ta golga assistentlik qildi.
