«Манчестер Сити» ҳужумчи Габриэль Жезусни сақлаб қолиши ва унинг ўрнига Риёд Махрезни сотиши мумкин.

Ҳар икки футболчининг шартномаси келаси ёзда тугайди ва уларни текинга қўлдан чиқармаслик учун “Манчестер Сити” ёзги трансфер ойнасида футболчилардан бирини сотиши мумкин.

Олдинроқ клубни тарк этишга асосий давогар Жезус экани хабар қилинганди. Бироқ сўнгги маълумотларга кўра, унинг ўрнига Махрез клубни тарк этиши мумкин, бу эса бир қанча номдор жамоаларнинг қизиқишини уйғотмоқда.

Қайд этилишича, футболчининг трансфери жамоага ҳужумчи Эрлинг Холанднинг келиши билан боғлиқ бўлиши мумкин.

Махрез жорий мавсумда АПЛда 25 та ўйинда майдонга тушиб, 11 та гол урди ва 5 та голга ассистентлик қилди.