Zo'r TV телеканали 2026/27 йилги мавсумда трансляция қилинадиган футбол турнирлари рўйхатини маълум қилди. Янги мавсумда мухлислар телеканал орқали Европанинг бир қатор нуфузли мусобақаларини томоша қилиш имконига эга бўлади.
Эълон қилинган рўйхатдан UEFA Чемпионлар лигаси, Европа лигаси ва Конференциялар лигаси ўрин олган.
Миллий чемпионатлар орасида Испания Ла Лигаси трансляциялари давом эттирилади. Англия футболи мухлислари эса FA Cup — Англия кубоги баҳсларини кузатиши мумкин бўлади.
Zo'r TV трансляция қиладиган турнирлар:
- UEFA Чемпионлар лигаси
- UEFA Европа лигаси
- UEFA Конференциялар лигаси
- Испания Ла Лигаси
- Англия кубоги (FA Cup)
Учрашувларни Zo'r TV телеканали билан бирга ZO'RPLAY платформаси орқали ҳам жонли эфирда кузатиш мумкин бўлади. Ҳозирча телеканалнинг 2026/27 йилги мавсум учун эълон қилган рўйхатида Англия Премьер-лигаси ва Италия А Серияси йўқ.
