Zo'r TV telekanali 2026/27 yilgi mavsumda translyasiya qilinadigan futbol turnirlari ro‘yxatini ma’lum qildi. Yangi mavsumda muxlislar telekanal orqali Yevropaning bir qator nufuzli musobaqalarini tomosha qilish imkoniga ega bo‘ladi.
E’lon qilingan ro‘yxatdan UEFA Chempionlar ligasi, Yevropa ligasi va Konferensiyalar ligasi o‘rin olgan.
Milliy chempionatlar orasida Ispaniya La Ligasi translyasiyalari davom ettiriladi. Angliya futboli muxlislari esa FA Cup — Angliya kubogi bahslarini kuzatishi mumkin bo‘ladi.
Zo'r TV translyasiya qiladigan turnirlar:
- UEFA Chempionlar ligasi
- UEFA Yevropa ligasi
- UEFA Konferensiyalar ligasi
- Ispaniya La Ligasi
- Angliya kubogi (FA Cup)
Uchrashuvlarni Zo'r TV telekanali bilan birga ZO'RPLAY platformasi orqali ham jonli efirda kuzatish mumkin bo‘ladi. Hozircha telekanalning 2026/27 yilgi mavsum uchun e’lon qilgan ro‘yxatida Angliya Premyer-ligasi va Italiya A Seriyasi yo‘q.
