«Barselona»da jamoaning qanot hujumchilari bilan bog‘liq vaziyat xavotir uyg‘otmoqda. Kataloniyalik futbolchilar xalqaro tanaffus davomida juda katta yuklama olgan.
Rafinya Braziliya terma jamoasi safida jarohat oldi. Lamin Yamal Ispaniya terma jamoasining ikki uchrashuvida jami 158 daqiqa maydonda harakat qildi. Entoni Gordon Angliya safida 150 daqiqa, Karim Adeyemi esa Germaniya terma jamoasi tarkibida 155 daqiqa o‘ynadi.
Xansi Flik boshchiligidagi murabbiylar shtabi xalqaro tanaffusning uzoq davom etishi va futbolchilarning ko‘plab parvozlarni amalga oshirayotganidan xavotirda.
Shuningdek, klubda asosiy futbolchilar tanaffus vaqtida yetarlicha dam olmagani va terma jamoalarida maksimal darajada foydalanilganidan norozilik bor.
