"Реал" бош мураббийи Жозе Моуриньо ҳужумчи Карлос Эспининг Мадрид клубига ўтишида ҳал қилувчи роль ўйнади.

"Қаймоқранглилар" 21 ёшли футболчини июль ойи охирида "Леванте"дан 25 млн евро эвазига харид қилган эди. Журналист Гильермо Раи маълумотига кўра, музокаралар жараёнида Моуринью Эспига шахсан қўнғироқ қилган.

Португалиялик мутахассис ҳужумчига жамоадаги ролини тушунтириб, уни классик 9-рақамли форвард сифатида кўраётганини айтган.

"Реал" трансферга алоқадор барча шахслардан музокараларни максимал даражада махфий олиб боришни сўраган. Шу сабабли келишув сўнгги лаҳзагача сир тутилган.

Эспига Англия Премьер-лигасининг бир қатор клублари ҳам қизиқиш билдирган. Бироқ "Реал" ва Моуриньюдан қўнғироқ олганидан кейин испаниялик футболчида қайси клубни танлаш борасида шубҳа қолмаган.