Superliganing 6-turidan o‘rin olgan “Bunyodkor” – “Olimpik” (1:5) uchrashuvidan so‘ng mezbonlar bosh murabbiyi Shuhrat Maqsudov o‘z fikrlari bilan o‘rtoqlashdi.
- Bunaqangi o‘yin, bunaqa natija uchun birinchi navbatda muxlislardan uzr so‘rayman! Men o‘zim ham tushunolmay qoldim, yigitlarda bugun hech narsa o‘xshamadi. “Neftchi” bilan o‘yinning ertasigayoq “Olimpik” bilan bahsga tayyorgarlik ko‘rishga kirishgandik. Har bir mashg‘ulotda qiyin o‘yin bo‘lishini ta’kidlagandik. Ammo hech qaysi futbolchimizning o‘yini chiqmadi. Aytishadiku, jamoa g‘alaba qozonsa hamma yutadi, mag‘lubiyatga uchrasa murabbiy yutqazadi. Lekin bugun butun jamoa yutqazdi. “Olimpik”ni haqqoniy g‘alaba bilan tabriklayman!" - dedi Maqsudov.
