Суперлиганинг 6-туридан ўрин олган “Бунёдкор” – “Олимпик” (1:5) учрашувидан сўнг мезбонлар бош мураббийи Шуҳрат Мақсудов ўз фикрлари билан ўртоқлашди.

- Бунақанги ўйин, бунақа натижа учун биринчи навбатда мухлислардан узр сўрайман! Мен ўзим ҳам тушунолмай қолдим, йигитларда бугун ҳеч нарса ўхшамади. “Нефтчи” билан ўйиннинг эртасигаёқ “Олимпик” билан баҳсга тайёргарлик кўришга киришгандик. Ҳар бир машғулотда қийин ўйин бўлишини таъкидлагандик. Аммо ҳеч қайси футболчимизнинг ўйини чиқмади. Айтишадику, жамоа ғалаба қозонса ҳамма ютади, мағлубиятга учраса мураббий ютқазади. Лекин бугун бутун жамоа ютқазди. “Олимпик”ни ҳаққоний ғалаба билан табриклайман!" - деди Мақсудов.