Xabaringiz bor, ertaga "Andijon" jamoasi o‘z maydonida Pro liganing 7-tur doirasida Muborakning "Mash’al" klubini qabul qiladi.

Bugun Viktor Kumikov shogirdlari "Bobur arena"da o‘yindan oldingi so‘nggi mashg‘ulotini o‘tkazdi.

Ushbu mashg‘ulotga klub rahbari Jur’atbek Quvvatov ham tashrif buyurdi. Tayyorgarlik jarayoni yakuniga yetgach, jamoa a’zolari bilan suhbatlashdi. Unda muhim bahs oldidan futbolchilarni yanada ruhlantirgan holda "Turon" ustidan erishilgan g‘alaba uchun rag‘batlantirish maqsadida va’da qilingan mukofot pullari o‘z egalariga topshirildi.

Shu bilan birga futbolchilardan o‘yinni yanada kuchaytirishlarini, muxlislarga yoqadigan o‘yinni namoyish etish juda muhimligini ta’kidlab, "Mash’al"ga qarshi bellashuvda ham tomoshabop va ishonchli o‘yin ko‘rsatib, chiroyli g‘alaba muhimligini qo‘shimcha qilib o‘tdi.