18 may kuni Toshkentda Italiya va O‘zbekiston futboli afsonalari uchrashuvi o‘tkazilishi haqida xabar berib o‘tgandik. O‘FA tomonidan O‘zbek futbolining 110 yilligi munosabati bilan muxlislar uchun sovg‘a sifatida ana shu uchrashuvga kirish bepul etib belgilandi.
Demak, Italiya A-Seriyasi afsonalari hamda terma jamoamizda faoliyatini yakunlayotgan yorqin avlod vakillari o‘rtasidagi o‘yinni 18 may kuni, soat 19:00 da “Paxtakor” stadionida tomosha qilishingiz mumkin.
Stadionga tashrif buyura olmaydigan futbol ixlosmandlariga qulaylik yaratish maqsadida uchrashuvni "Sport" telekanali orqali to‘g‘ridan-to‘g‘ri efirda namoyish etish rejalashtirilmoqda.