Professional boksning super yengil vazn toifasida harakat qilayotgan Shahram G‘iyosov 7 maydan 8 mayga o‘tar kechasi Las-Vegasda (AQSH) o‘zining navbatdagi jangini o‘tkazdi. O‘zbekistonlik bokschi meksikalik Kristian Gomesga qarshi 10 raund jang o‘tkazib, ochkolar bo‘yicha g‘alabani qo‘lga kiritdi. Shahram jangdan so‘ng o‘zbekistonliklarga murojaat qildi.

"Assalomu alaykum, aziz vatandoshlar. Yangi O‘zbekistonga yangi g‘alabalar, yangi kamarlar. Alhamdulillah. Mana, IBF kamari sohibiga aylandim. Bugungi 10 raundlik jangda g‘alaba qozonib, ushbu kamarni qo‘lga kiritdim. Xudo xohlasa, Vatanimga yorug‘ yuz bilan mana shu kamar bilan boraman. Kutib olinglar, yaqinda kamar O‘zbekistonga boradi. Hamma sog‘lik-salomatlik tilayman. Duo qilib turganingiz uchun rahmat. Barchaga — muhtaram Prezidentimizga, Olimpiya qo‘mitasiga, O‘zbekiston boks federasiyasiga, ota-onamga minnatdorchilik bildiraman. Onajon, yaqinda tug‘ilgan kuningiz. Kamarni olib boraman. Barchani yaxshi ko‘raman", — dedi Shahram.