Karlo Anchelotti jamoani Chempionlar ligasi finaliga mukammal shaklda olib chiqish rejasini tuzdi. La Ligadagi erta chempionlik italiyalik murabbiyga o‘z jamoasi formasini yaxshilab olishiga imkon beradi: o‘yin vaqtini barcha o‘yinchilar o‘rtasida taqsimlash, uning asosiy o‘yinchilari Parijdagi maydonga tayyorlash uchun ham. Anchelotti La Liganing "Espanyol" va "Atletiko Madrid"ga qarshi so‘nggi ikki o‘yinida shu rejaga amal qilgan va o‘yindan keyin "Vanda Metropolitano"dagi niyati haqida gapirgan.
Keyiingi turda ham bu mavsum kam o‘ynaganlar asosiy tarkibda boshlaydi, xuddi “Kadis”ga qarshi bo‘lgani singari. “Betis”ga qarshi o‘yinda men Chempionlar ligasi finalida bo‘ladigan tarkibni maydonga tushiraman”, - dedi italiyalik mutaxassis.
Karlo Anchelotti bu rejani “Espanyol”ga qarshi o‘yin oldidan qo‘llay boshlagan: La Ligadagi g‘alabaga bir ochko qolganida, “Siti”ga qarshi o‘yinga esa 4 kun qolganida. Murabbiy tarkibiga faqat uchta "asosiy" o‘yinchi kirdi: Kurtua, Kazemiro va Modrich. Braziliyalik futbolchi himoya markazida o‘ynashga majbur bo‘ldi, chunki Alaba jarohat olgan, Militao va Nacho esa diskvalifikasiya qilingan. Bernabeudagi g‘alabali o‘yinda boshlang‘ich tarkib quyidagicha bo‘lgan edi: Kurtua, Lukas Vaskes, Kazemiro, Valexo, Marselo, Modrich, Kamavinga, Sebalyos, Asensio, Mariano va Rodrigo.
"Asosiy" jamoa "Siti"ga qarshi o‘ynadi, yagona o‘zgartirilish Alabani majburiy ravishda Nachoga almashtirish bo‘ldi. Dastlabki tarkib esa: Kurtua, Karvaxal, Militao, Nacho, Mendi, Valverde, Modrich, Kazemiro, Kroos, Benzema va Vinisius edi.
Madrid klubi La Ligada mavsum yakunlanishiga 3 ta o‘yini bor. Shu payshanba kuni "qaymoqranglilar" Bernabeuda "Levante"ni qabul qiladi. Bu o‘yinda Anchelotti o‘z g‘oyasiga sodiq qolishda davom etsa, maydonga Lunin, Karvaxal, Militao, Nacho yoki Valexo, Mendi, Valverde, Kazemiro yoki Kamavinga, Modrich, Asensio yoki Rodrigo, Benzema va Vinisiuslar tushishi mumkin.
"Levante" bilan uchrashuvdan so‘ng, yakshanba kuni “Real Madrid” "Kadis"ga tashrif buyuradi va Bernabeuda La Ligadagi mavsumni "Betis"ga qarshi o‘yin bilan yakunlaydi, bu esa "Liverpul"ga qarshi final oldidan chigal yozdi mashqlari bo‘ladi. Ushbu o‘yin 22 may kuni bo‘lib o‘tadi, "Betis" Yevropa ligasi yo‘llanmasi uchun kurashmayapti, chunki Pellegrini shogirdlari uchun turnirga chiptasi Qirol kubogida g‘alaba qozonganidayoq kafolatlangan edi.
