Superliganing 8-turidan o‘rin olgan "Paxtakor" - "Surxon" (2:2) uchrashuvidan so‘ng mehmonlar bosh murabbiyi Anxel Lopes Peres o‘z fikrlarini bildirib o‘tdi.
"Men o‘z yigitlarimdan faxrlanaman. Ammo hisob meni qoniqtirgani yo‘q. Sababi, biz "Paxtakor"dan ko‘ra yaxshiroq o‘ynadik. Ayniqsa birinchi bo‘limda biz juda yaxshi harakat qildik, ko‘proq vaziyatlar yaratdik. Shunday bo‘lsa ham kurashishda davom etdik va "Paxtakor"ga qarshi durang qayd eta oldik. Ammo men natijadan xursand emasman. Sababi, biz g‘alabaga loyiq edik
Ikkinchi bo‘limni "Surxon" futbolchilari biroz xotirjam boshlashdi va passiv o‘yin ko‘rsatishdi. Bunga sabab nima?
Albatta, "Paxtakor" o‘yinchilarining saviyasi juda yuqori. Biz o‘yindan avval "Paxtakor"ning o‘yin uslubini juda sinchkovlik bilan o‘rganib chiqqan edik. Ikkinchi bo‘lim boshida ular haqiqatdan ham juda kuchli bosim uyushtirishdi. Ammo biz keyinchalik o‘yindagi ustunlikni tenglashtirib, o‘z o‘yinimizni ko‘rsatishni boshladik
"Surxon"ning bugungi o‘yiniga o‘n ballik shkalada necha baho qo‘ygan bo‘lardingiz?
10 baho qo‘ygan bo‘lardim
Kezadani birinchi bo‘limda maydonga tushirmadingiz. Bu birinchi bo‘limda hisobni saqlab, ikkinchi bo‘limda g‘alaba qozonishni o‘ylab qilingan harakatmidi?
Kezada to‘liq tiklanishga ulgurmagandi. "Lokomotiv"ga qarshi o‘yinda u zarba qabul qilib olgandi. Shu sababli, u biz bilan har kuni mashq qila olmayotgandi. Ammo biz futbolchilarni legioner yoki mahalliy deb ajratmaymiz. Ularning barchasi "Surxon" o‘yinchilari. "Surxon" - bir butun oila", - dedi ispaniyalik mutaxassis.
