Muhammad Saloh Chempionlar ligasi finaliga qadar jarohatidan tuzalib ketishiga ishonmoqda.

- Ikki haftadan keyin Parijda o‘ynashga tayyormisiz?

"Albatta", deb javob berdi Saloh.

"Liverpul" vingeri kecha Angliya kubogi finalida "Chelsi"ga qarshi o‘yinda (0:0, 6:5) o‘ng oyog‘idagi muammolar tufayli 33-daqiqada almashtirildi. "Real"ga qarshi Chempionlar ligasi finali 28 may kuni bo‘lib o‘tadi.

29 yoshli futbolchi joriy mavsum “Liverpul” safida barcha turnirlar doirasida 49 ta o‘yinda maydonga tushib, 30 ta gol urdi va 15 ta golli uzatmani amalga oshirdi.