Madridning “Real” klubi forvardi ushbu mavsumning mamlakatdan tashqaridagi eng yaxshi fransuz futbolchisi deb topildi.

Karim Benzema Fransiya futbol ittifoqidan olgan sovrini haqida fikr bildirdi:

“Men bundan juda xursandman, bu - men uchun faxr. Sovrinni qo‘lga kiritish qiyin, chunki ko‘plab boshqa o‘yinchilar ham bunga loyiq.

Bolaligimda orzu qilgan hujumchiga aylandimmi?

Menimcha ha. Statistika men uchun eng muhim narsa emas. Jamoaga imkon qadar ko‘proq gol urishga yordam berishga harakat qilaman. Albatta, men “oltin to‘p”ni orzu qilaman, lekin agar jamoa manfaatini o‘zimdan ustun qo‘ysam, unga erishaman”, — deya Karimning so‘zlarini keltiradi RMC.