2021 yilning dekabr oyida jamoani qabul qilib olgan "Leypsig" bosh murabbiyi Domeniko Tedesko klub bilan Germaniya Bundesligasida 20 ta o‘yin o‘tkazdi (12 g‘alaba, 4 durang, 4 mag‘lubiyat).
Mutaxassis jamoa bilan liga o‘yinlarining 60 foizida g‘alaba qozondi - bu "buqalar" murabbiylari orasida tarixdagi eng yaxshi ko‘rsatkichdir. Bu haqda Opta Sports telegram-kanalida xabar berdi.
Domeniko Tedesko shogirdlari mavsum yakunida 58 ochko jamg‘arib, keyingi mavsumda Chempionlar ligasiga yo‘llanma oldi.