“Manchester Yunayted” yarim himoyachisi Nemanya Matich muxlislarga xayrlashuv maktubini qoldirdi.

"Muxlislarga ajoyib qo‘llab-quvvatlash uchun rahmat aytmoqchiman. Bilaman, biz qiyin mavsumlarni boshdan kechirdik, lekin shuni bilishingizni istardimki, biz mashg‘ulotlarda bor kuchimizni sarfladik. “Manchester Yunayted” avvalgi darajasiga qaytadi, bunga ishonchim komil. Bu biroz vaqt talab qilishi mumkin", - dedi Matich.

Nemanya Matich 2017 yilning yozida Londonning “Chelsi” klubidan 45 million yevro evaziga “Manchester Yunayted”ga o‘tgan edi. “Old Trafford”da serb birorta ham sovrin yutmagan.