"Manchester Yunayted" va "Tottenxem" klublarining sobiq futbolchisi Teddi Sheringemning fikricha, "qizil iblislar" portugaliyalik hujumchi Krishtianu Ronaldu atrofida o‘yin qurishlari kerak.

Sheringem Ronalduni "qizil iblislar" uchun muammo deb atash noto‘g‘ri va hatto qo‘pollik ekanligini aytdi. Sobiq futbolchi portugaliyalik hujumchi hali ham juda zo‘r ekanligini ta’kidladi, shuning uchun "Manchester Yunayted" Krishtianu atrofida o‘yin qurishi va uni imkon qadar tez-tez to‘p bilan ta’minlashga harakat qilishi kerak, chunki bu nimagadir erishishning eng yaxshi yo‘li bo‘ladi, degan fikrni bildirdi.

Eslatib o‘tamiz, joriy mavsumda Krishtianu Ronaldu APLda 30 ta uchrashuv o‘tkazib, 18 ta gol urgan va 3 ta golga assistentlik qilgan.