"Bavariya" va Rayan Gravenberx o‘rtasidagi muzokaralar muvaffaqiyatli natijaga yaqin turibdi.
20 yoshli yarim himoyachi myunxenliklar bilan mart oyida dastlabki kelishuvga erishgan edi. Hozir tomonlar barcha rasmiyatchiliklarni hal qilishdi va yaqin kelajakda ular kelishuvni e’lon qilishlari mumkin. Ma’lumotni "Bavariya" sport direktori Hasan Salixamidjich ham tasdiqladi.
Rayan Gravenberx “Ayaks” safida 42 ta o‘yin o‘tkazib, 3 ta gol va 6 ta golli uzatmaga mualliflik qilgan. Yosh yarim himoyachi amsterdamliklarning ketma-ket ikkinchi marta liga chempionligini qo‘lga kiritishiga yordam berdi.
