"Бавария" ва Райан Гравенберх ўртасидаги музокаралар муваффақиятли натижага яқин турибди.
20 ёшли ярим ҳимоячи мюнхенликлар билан март ойида дастлабки келишувга эришган эди. Ҳозир томонлар барча расмиятчиликларни ҳал қилишди ва яқин келажакда улар келишувни эълон қилишлари мумкин. Маълумотни "Бавария" спорт директори Ҳасан Салихамиджич ҳам тасдиқлади.
Райан Гравенберх “Аякс” сафида 42 та ўйин ўтказиб, 3 та гол ва 6 та голли узатмага муаллифлик қилган. Ёш ярим ҳимоячи амстердамликларнинг кетма-кет иккинчи марта лига чемпионлигини қўлга киритишига ёрдам берди.
